കണ്ണൂർ: ബിജെപിക്കെതിരേ പരസ്യ വിമർശനവുമായി തലശേരി ബിഷപ്പ് ജോസഫ് പാംപ്ലാനി . ഭരണഘടന രാജ്യത്ത് നൽകുന്ന ഏറ്റവും ശക്തമായ ഉറപ്പാണ് മതേതരത്വം. എന്നിട്ടും ഇഷ്ടമുള്ള മതത്തിൽ വിശ്വസിക്കാനുള്ള അവകാശങ്ങൾ നിഷേധിക്കപ്പെടുന്നു.

ജബൽപൂരിലും മണിപ്പൂരിലും ഇതാണ് സംഭവിക്കുന്നത്. കുരിശിന്റെ വഴി നടക്കാൻ സമ്മതിക്കാത്ത എത്രയോ നഗരങ്ങൾ ഇന്ത്യയിൽ ഉണ്ടാവും. മതവും രാഷ്ട്രീയവും അനാവശ്യ സഖ്യം ചേരുമ്പോൾ അർഹതപ്പെട്ട അവകാശങ്ങൾ നിഷേധിക്കപ്പെടുന്നു എന്നും പാംപ്ലാനി പറഞ്ഞു.