കണ്ണൂർ: മുഖ‍്യമന്ത്രി പിണറായി വിജയന്‍റെ ചിത്രം സ്വർണക്കള്ളൻ എന്ന അടികുറിപ്പോടെ സമൂഹമാധ‍്യമങ്ങളിൽ പങ്കുവച്ചയാൾ‌ക്കെതിരേ കേസെടുത്തു. 19 കാരനായ അനുന്ദിനെതിരേയാണ് കണ്ണൂർ സൈബർ പൊലീസ് കേസെടുത്തത്.

പിണറായി സ്വദേശി സുധീറാണ് പരാതിക്കാരൻ. മുഖ‍്യമന്ത്രിയെ അപകീർത്തിപ്പെടുത്താൻ ശ്രമിച്ചെന്നും മനപ്പൂർവം ലഹളയുണ്ടാക്കാൻ ശ്രമിച്ചെന്നുമാണ് പരാതിയിൽ പറയുന്നത്. സിപിഎം പ്രവർത്തകർക്കും പരാതിക്കാരനും മാനസിക വിഷമമുണ്ടായതായും പരാതിയിൽ പറയുന്നു. പ്രിയദർശിനി ഓലായിക്കര എന്ന ഇന്‍സ്റ്റഗ്രാം പേജിലൂടെയാണ് 19കാരൻ പോസ്റ്റിട്ടത്.