സ്കൂൾ തുറക്കാൻ ദിവസങ്ങൾ മാത്രം ബാക്കി; സ്കൂള് അധ്യാപകരുടെ സ്ഥലംമാറ്റം തടഞ്ഞ് വിദ്യാഭ്യാസ വകുപ്പ്
തിരുവനന്തപുരം: സ്കൂള് അധ്യാപകരുടെ സ്ഥലംമാറ്റം തടഞ്ഞ് വിദ്യാഭ്യാസ വകുപ്പ്. 2026 - 27 അധ്യയന വര്ഷത്തെ സ്ഥലംമാറ്റം തടഞ്ഞാണ് സർക്കാർ ഉത്തരവിറക്കിയത്. സെന്സസ് ചുമതലകളുടെ ഭാഗമായാണ് നടപടി എന്നാണ് വിശദീകരണം.
സ്കൂള് തുറക്കാന് ദിവസങ്ങള് മാത്രം ബാക്കിയിരിക്കുകയാണ് വിദ്യാഭ്യാസ വകുപ്പിന്റെ നടപടി. ഇതോടെ ജില്ലാതലത്തിലുള്ള അധ്യാപകരുടെ സ്ഥലംമാറ്റം മരവിച്ചു. സെന്സസ് ഡ്യൂട്ടിയില് ഇല്ലാത്ത പ്രധാന അധ്യാപകരുടെ സ്ഥലംമാറ്റമാണ് തടഞ്ഞത്.
എന്നാല്, സെന്സസ് കണക്കിലെടുത്ത് അധ്യാപക സ്ഥലംമാറ്റം വേണ്ടെന്നു വയ്ക്കാന് തീരുമാനിച്ചിട്ടില്ലെന്ന് വിദ്യാഭ്യാസ മന്ത്രി ഷംസുദ്ദീന് അറിയിച്ചു. ഉത്തരവ് പുറത്തിറങ്ങിയതിനെക്കുറിച്ച് അറിയില്ലെന്നും അദ്ദേഹം പറഞ്ഞു. വിദ്യാഭ്യാസ വകുപ്പിന്റെ നടപടി പുതിയ സര്ക്കാരിന്റെ അധ്യാപക ദ്രോഹ നടപടിയെന്ന് കേരള സ്കൂള് ടീച്ചേഴ്സ് അസോസിയേഷന് വ്യക്തമാക്കി.