എറണാകുളത്ത് ആക്രി കടയിൽ തീപിടിത്തം

 
Kerala

എറണാകുളത്ത് ആക്രി കടയിൽ തീപിടിത്തം; ആളപായമില്ല

അടുത്തുള്ള വെൽഡിങ് കടയിൽ നിന്ന് തീപ്പൊരി വീണതാകാമെന്ന് സംശയം

Jisha P.O.

കൊച്ചി: എറണാകുളം പുല്ലേപ്പടി പാലത്തിന് സമീപമുള്ള ആക്രി കടയിൽ വൻ തീപിടിത്തം. വൈകിട്ട് 4.30 ഓടെയാണ് തീ ഉയരുന്നത് ശ്രദ്ധയിൽപ്പെട്ടത്. സമീപത്ത് വെൽഡിങ് ജോലികൾ ചെയ്യുന്ന കടയിൽ നിന്ന് തീപ്പൊരികൾ വീണതാകാമെന്നാണ് സശയം.

സമീപത്ത് കടകളും അപ്പാർട്ട്മെന്‍റുകളും സ്ഥിതിചെയ്യുന്നതിനാൽ ആദ്യം പരിഭ്രാന്തി ഉയർന്നെങ്കിലും ഫയർഫോഴ്സ് എത്തി തീ നിയന്ത്രണവിധേയമാക്കി. മൂന്ന് യൂണിറ്റ് ഫയർഫോഴ്സുകൾ എത്തിയാണ് തീ അണച്ചത്. സംഭവത്തെ കുറിച്ച് അന്വേഷണം നടത്തുമെന്ന് ഫയർഫോഴ്സ് ഉദ്യോഗസ്ഥർ പറഞ്ഞു.