തിരുവനന്തപുരം: സംസ്ഥാനത്ത് മഴ ശക്തമായി പെയ്യുന്നതിനിടെ വെള്ളിയാഴ്ചയും സംസ്ഥാനത്തെ വിവിധ ജില്ലകളിലെ വിദ്യാഭ്യാസ സ്ഥാപനങ്ങൾക്ക് ജില്ലാ കലക്‌ടർ അവധി പ്രഖ്യാപിച്ചു. കാസർഗോഡ്, വയനാട്, തൃശൂർ, കോട്ടയം, ഇടുക്കി, കണ്ണൂർ, എറണാകുളം, പാലക്കാട്, പത്തനംതിട്ട ജില്ലകളിലെ വിദ്യാഭ്യാസ സ്ഥാനങ്ങൾക്കാണ് അവധി നൽകിയിരിക്കുന്നത്.

ട്യൂഷൻ സെന്‍ററുകൾ, മദ്രസകൾ, അങ്കണവാടികൾ, സ്പെഷ്യൽ ക്ലാസുകൾ എന്നിവ പ്രവർത്തിക്കരുതെന്നാണ് നിർദേശം. മുൻ നിശ്ചയിച്ച പരീക്ഷകൾ നടക്കുമെന്ന് കോട്ടയം കലക്‌ടർ അറിയിച്ചു.