തിരുവനന്തപുരം: അന്തരിച്ച മാധ്യമപ്രവർത്തകൻ ജിജോ ജോൺ പുത്തേഴത്തിനും കുടുംബത്തിനുമെതിരായ സൈബറാക്രമണിത്തിൽ കർശന നടപടിക്ക് ആഭ്യന്തര മന്ത്രി രമേശ് ചെന്നിത്തലയുടെ നിർദേശം. സൈബർ വിഭാഗം ഐജിക്കാണ് ആഭ്യന്തരമന്ത്രി നിർദേശം നൽകിയത്.

ജിജോ ജോൺ പുത്തേഴത്തിന്‍റെ മരണത്തിന് പിന്നാലെ അദ്ദേഹത്തെയും കുടുംബത്തെയും അധിക്ഷേപിക്കുന്നതും അപകീർത്തിപ്പെടുത്തുന്നതുമായ പോസ്റ്റുകൾ സോഷ്യൽ മീഡിയയിൽ വ്യാപകമായി പ്രചരിച്ചിരുന്നു. മുൻകാലത്ത് അദ്ദേഹം നൽകിയ വാർത്തയുടെ പശ്ചാത്തലത്തിലമാണ് സൈബർ ആക്രമണത്തിന് പിന്നിലെന്നാണ് സൂചന.