കണ്ണൂർ: എഡിഎം നവീൻ ബാബുവിന്‍റെ മരണവുമായി ബന്ധപ്പെട്ട് സിബിഐ അന്വേഷണം പ്രഖ്യാപിച്ച സംസ്ഥാന സർക്കാരിനെ വിമർശിച്ച് സിപിഎം ജില്ലാ സെക്രട്ടറി കെ.കെ. രാഗേഷ്. നടപടി രാഷ്ട്രീയ പ്രേരിതമാണെന്നാണ് ആരോപണം. മുൻപ് ഹൈക്കോടതിയും സുപ്രീം കോടതിയും സിബിഐ അന്വേഷണം തള്ളിയിരുന്നു. ഇതു ചൂണ്ടിക്കാട്ടി കോടതിയുടെ മുകളിലല്ല വി.ഡി.സതീശനെന്ന മുഖ്യമന്ത്രിയെന്നും അദ്ദേഹം വിമർശിച്ചു.

നവീന്‍ ബാബുവിന്‍റെ കുടുംബത്തിന്‍റെ ആവശ‍്യം പരിഗണിച്ചാണ് സർക്കാർ നടപടി. കേസ് സിബിഐയ്ക്ക് വിടണമെന്ന് ആവശ‍്യപ്പെട്ട് നവീൻ ബാബുവിന്‍റെ കുടുംബം മുഖ‍്യമന്ത്രി വി.ഡി. സതീശനെ കണ്ടിരുന്നു. യുഡിഎഫ് സർക്കാർ അധികാരത്തിലെത്തിയ ശേഷം സിബിഐയ്ക്ക് വിടുന്ന ആദ‍്യ കേസാണിത്. പൊലീസ് കുറ്റപത്രം സമർപ്പിച്ച കേസിൽ സിപിഎം നേതാവ് പി.പി. ദിവ‍്യയായിരുന്നു പ്രധാന പ്രതി.