പത്തനംതിട്ട: കോന്നി മെഡിക്കൽ‌ കോളെജിൽ തീപിടിത്തം. ജനറേറ്റർ റൂമിൽ നിന്നും തീപടർന്ന് പിടിക്കുകയായിരുന്നു. കോന്നിയിൽ നിന്ന് 2 അഗ്നിശമനസേന യൂണിറ്റുകളെത്തിയാണ് തീ നിയന്ത്രണ വിധേയമാക്കിയത്.

തീപിടിത്തത്തെതുടർന്ന് പുക മറ്റ് നിലകളിലേക്കും വ്യാപിച്ചു. പത്തനംതിട്ടയിൽ നിന്നും ബ്ലോവർ എത്തിച്ച് പുക വലിച്ച് പുറത്തേക്ക് കളയുന്നതിനുള്ള ശ്രമം തുടരുകയാണ്. എല്ലാവരും സുരക്ഷിതരാണെന്നാണ് വിവരം.