കൊച്ചി: പ്രധാനമന്ത്രി നരേന്ദ്ര മോദിയുടെ റോഡ് ഷോ കടന്നു പോവുന്ന എറണാകുളം ലോ കോളെജ് ക്യാമ്പസിൽ സ്ഥാപിച്ച ബോർഡ് നീക്കം ചെയ്ത് പൊലീസ്. കെഎസ്യു പ്രവർത്തകർ സ്ഥാപിച്ച ബോർഡാണ് പൊലീസ് നീക്കം ചെയ്തത്. 2 കെഎസ്യു പ്രവർത്തകരെയും പൊലീസ് അറസ്റ്റു ചെയ്തിട്ടുണ്ട്. ഇതിനു പിന്നാലെ ക്യാംമ്പസിൽ വിദ്യാർഥികൾ ഒത്തുകൂടിയതോടെ ബിജെപി പ്രവർത്തകർ പ്രതിഷേധവുമായി രംഗത്തെത്തി.
'മോദി ഗോ ബാക്ക്' എന്നെഴുതിയ ബോർഡാണ് ഉച്ചയോടെ ക്യാമ്പസിൽ പ്രവർത്തകർ സ്ഥാപിച്ചത്. പൊലീസ് എത്തി അഴിച്ചുമാറ്റാൻ ആവശ്യപ്പെട്ടെങ്കിലും വിദ്യാർഥികൾ കൂട്ടാക്കിയില്ല. തുടർന്ന് പൊലീസ് തന്നെ ബോർഡുകൾ അഴിച്ചു മാറ്റുകയായിരുന്നു.