തിരുവനന്തപുരം: സംസ്ഥാനത്ത് ഈ മാസത്തെ റേഷന്‍ വിതരണം ഏപ്രിൽ 4 മുതൽ ആരംഭിക്കും. ഈ മാസം പെസഹ വ്യാഴം, ദുഃഖ വെള്ളി അവധികള്‍ക്ക് ശേഷം ശനിയാഴ്ചയാണ് റേഷന്‍ കടകള്‍ തുറക്കുന്നത്.

പശ്ചിമേഷ്യന്‍ സംഘര്‍ഷത്തിന്‍റെ സാഹചര്യത്തില്‍ ഏപ്രില്‍ മാസത്തെ റേഷന്‍ വിഹിതത്തിനൊപ്പം, മേയ് മാസത്തെ റേഷനും മുന്‍കൂറായി വാങ്ങാവുന്നതാണ്.

ഏപ്രില്‍ മാസത്തെ വിഹിതം ഏപ്രില്‍ 04 മുതല്‍ ഏപ്രില്‍ 30 വരെയും, മേയ് മാസത്തെ വിഹിതം മുന്‍കൂറായി ഏപ്രില്‍ 04 മുതല്‍ മേയ് 30 വരെയും വാങ്ങാവുന്നതാണ്. കൂടാതെ മണ്ണെണ്ണയും, ആട്ടയും ഉപഭോക്താക്കള്‍ക്ക് ലഭിക്കും.