തിരുവനന്തപുരം: വർക്കലയിൽ നവവധു ജീവനൊടുക്കിയ നിലയിൽ. റാത്തിക്കൽ സ്വദേശിനി നാസിയ (19) ആണ് മരിച്ചത്. ബുധനാഴ്ച വൈകിട്ടാണ് പെൺകുട്ടിയെ വീട്ടിലെ കിടപ്പു മുറിയിൽ തൂങ്ങിമരിച്ച നിലയിൽ കണ്ടെത്തിയത്. ഉടൻ തന്നെ ആശുപത്രിയിലെത്തിച്ചെങ്കിലും വ്യാഴാഴ്ച പുലർച്ചെയോടെ മരിക്കുകയായിരുന്നു.

2 മാസം മുൻപായിരുന്നു നസിയയുടെ വിവാഹം. വിവാഹം കഴിഞ്ഞ് 13-ാം ദിവസം ഭർത്താവ് അൻസർ ഗൾഭിലേക്ക് മടങ്ങിപ്പോയിരുന്നു. മരണകാരണം എന്താണെന്ന് വ്യക്തമല്ല. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.