തിരുവനന്തപുരം: പിണറായി വിജയനെ പ്രതിപക്ഷ നേതാവായി തെരഞ്ഞെടുത്തതിൽ പോളിറ്റ് ബ‍്യൂറോയിലും എതിർപ്പുണ്ടായിരുന്നുവെന്ന് ഒരു വിഭാഗം പിബി അംഗങ്ങൾ. പിണറായി വിജയന് പ്രതിപക്ഷ നേതൃസ്ഥാനം നൽകുന്നതിൽ അഞ്ചിലധികം നേതാക്കൾ എതിർത്തതായാണ് വിവരം.

പിണറായി വിജയനെ പ്രതിപക്ഷ നേതാവാക്കുന്നത് സംഘടനാപരമായി ശരിയല്ലെന്നായിരുന്നു ഒരു വിഭാഗം നേതാക്കളുടെ വിമർശനം. എന്നാൽ സംസ്ഥാന നേതൃത്വത്തിന്‍റെ തീരുമാനത്തിനൊപ്പം നിൽക്കാൻ പിബി തീരുമാനിക്കുകയായിരുന്നു. കെ.എൻ. ബാലഗോപാലിനോടായിരുന്നു ഒരു വിഭാഗം നേതാക്കൾക്ക് താത്പര‍്യം.