തിരുവനന്തപുരം: മോഷണക്കേസിൽ അറസ്റ്റിലായ പ്രതികളെ മർദിച്ച സംഭവത്തിൽ പൊലീസ് ഉദ‍്യോഗസ്ഥർക്ക് സസ്പെൻഷൻ. തിരുവനന്തപുരം ഫോർട്ട് സ്റ്റേഷൻ ഉദ‍്യോഗസ്ഥരായ സുനിൽ, സിജുകുമാർ, ഗിരീഷ് എന്നിവർക്കെതിരേയാണ് നടപടി സ്വീകരിച്ചിരിക്കുന്നത്.

പ്രതികളെ മർദിച്ചത് സിസിടിവി പരിശോധനയിലൂടെയാണ് പുറത്തായത്. കൊച്ചിയിൽ വച്ച് കസ്റ്റഡിയിലെടുത്ത പ്രതിയെ തിരുവനന്തപുരത്ത് എത്തിച്ച സമയത്തായിരുന്നു മർദനം. ഉദ‍്യോഗസ്ഥർക്കെതിരേ വകുപ്പുതല അന്വേഷണത്തിനും സിറ്റി പൊലീസ് കമ്മിഷണർ ഉത്തരവിട്ടിട്ടുണ്ട്.