തിരുവനന്തപുരം: കേരളത്തിൽ ചൂട് കൂടിയതോടെ വൈദ്യുതി ഉപയോഗവും വർധിച്ചു. തിങ്കളാഴ്ച വൈദ്യുതി ഉപയോഗം 5933 മെഗാവാട്ട് എത്തിയെന്നതാണ് റിപ്പോർട്ട്. ആദ്യമായാണ് വൈദ്യുതി ഉപയോഗം ഇത്രയും ഉയരുന്നത്.

ഈ മാസത്തെ ഏറ്റവും ഉയർന്ന വൈദ്യുതി ഉപയോഗവും തിങ്കളാഴ്ചയാണ് രേഖപ്പെടുത്തിയത്.

112.16 ദശലക്ഷം യൂണിറ്റ് വൈദ്യുതിയാണ് തിങ്കളാഴ്ച ഉപയോഗിച്ചതായി രേഖപ്പെടുത്തിയത്. ഉപയോഗം 6000 മെഗാവാട്ട് പിന്നിട്ടാൽ പ്രതിസന്ധി നേരിടേണ്ടിവരുമെന്ന് കെഎസ്ഇബി വ്യക്തമാക്കി കഴിഞ്ഞു.