തിരുവനന്തപുരം: തിരുവനന്തപുരം, കൊല്ലം ജില്ലകളിലുണ്ടായ ബോട്ടപകടത്തെത്തുടർന്ന് ജൂലൈ 31 മുതൽ കാണാതായ മത്സ‍്യത്തൊഴിലാളികൾക്കായുള്ള തെരച്ചിൽ ശനിയാഴ്ച പുനരാരംഭിച്ചു.

തിരുവനന്തപുരം ജില്ലയിലെ വിഴിഞ്ഞം, മുതലപ്പൊഴി പ്രദേശങ്ങളിലും കൊല്ലം ജില്ലയിലെ നീണ്ടകരയിലുമാണ് ഒമ്പതാം ദിവസവും തെരച്ചിൽ പുരോഗമിക്കുന്നത്. ജൂലൈ 31ന് നീണ്ടകരയിൽ മത്സ‍്യബന്ധന ബോട്ട് മറിഞ്ഞതിനെത്തുടർന്ന് പുത്തൻതുറയിലെ ഗൗതം കൃഷ്ണയെയാണ് ( 26) കാണാതായത്.

ഗൗതമിന്‍റെ ഒപ്പമുണ്ടായിരുന്ന പിതാവ് രാധാകൃഷ്ണനും (48) മുത്തശൻ രാജീവനും( 74) ബോട്ടപകടത്തിൽ മരിച്ചു. ഗൗതമിന്‍റെ അമ്മ രേഷ്മയുടെ പ്രതിഷേധത്തെത്തുടർന്നാണ് കോസ്റ്റൽ പൊലീസ് ബോട്ടുകൾ വിന‍്യസിക്കുകയും കോസ്റ്റ് ഗാർഡ് ഹെലികോപ്റ്ററുകളും ഡ്രോണുകളും ഉപയോഗിച്ച് തെരച്ചിൽ ആരംഭിച്ചതെന്ന് ഉദ‍്യോഗസ്ഥർ പറഞ്ഞു.

അതേസമയം, തിരുവനന്തപുരത്ത് ജൂലൈ 31ന് ഉണ്ടായ ബോട്ടപകടത്തിൽ കാണാതായ പുല്ലുവിള സ്വദേശി ജോണിനായുള്ള തെരച്ചിൽ തുടരുകയാണ്. കോസ്റ്റ് ഗാർഡിന്‍റെയും മത്സ‍്യത്തൊഴിലാളികളുടെയും സഹായത്തോടെയാണ് തെരച്ചിൽ നടത്തുന്നത്.

രക്ഷാപ്രവർത്തനം കാര‍്യക്ഷമമല്ലെന്ന ആരോപണവുമായി ജോണിന്‍റെ കുടുംബം രംഗത്തെത്തിയിരുന്നു. കൂടുതൽ പ്രദേശങ്ങളിലേക്ക് തെരച്ചിൽ വ‍്യാപിപ്പിക്കുമെന്ന് കോസ്റ്റൽ പൊലീസ് വ‍്യക്തമാക്കിയിട്ടുണ്ട്. മുതലപ്പൊഴിയിൽ മത്സ‍്യബന്ധനത്തിനിടെ കാണാതായ അഞ്ചുതെങ് സ്വദേശി ഷിജിനു വേണ്ടിയുള്ള തെരച്ചിലും ആരംഭിച്ചിട്ടുണ്ട്.

ഷിജിനെ കണ്ടെത്താൻ ശരിയായ തെരച്ചിൽ നടത്തുന്നില്ലെന്ന് ആരോപിച്ച് അദ്ദേഹത്തിന്‍റെ കുടുംബാംഗങ്ങൾ അഞ്ചുതെങ് തീരദേശ പൊലീസ് സ്റ്റേഷന് മുന്നിൽ കനത്ത മഴ ഗൗരവത്തിലെടുക്കാതെ റോഡിലിരുന്ന് പ്രതിഷേധിച്ചിരുന്നു. ഇതിനു പിന്നാലെ ഗതാഗത വകുപ്പ് മന്ത്രി സി.പി. ജോൺ മത്സ‍്യത്തൊഴിലാളിയുടെ വീട് സന്ദർശിക്കുകയും തെരച്ചിൽ ഊർജിതമാക്കുമെന്ന് ഉറപ്പ് നൽകുകയായിരുന്നു.

ശനിയാഴ്ച നടക്കുന്ന തെരച്ചിലിൽ 10 മത്സ‍്യത്തൊഴിലാളികളെ കൂടി ഉൾപ്പെടുത്തണമെന്ന കുടുംബത്തിന്‍റെ ആവശ‍്യം മന്ത്രി അംഗീകരിച്ചു. തെരച്ചിൽ വേഗത്തിലാക്കാത്തതിൽ പ്രതിഷേധിച്ച് ഡിവൈഎഫ്ഐ കൊല്ലം കലക്‌ട്രേറ്റിൽ പ്രതിഷേധ മാർച്ച് നടത്തിയിരുന്നു. മത്സ‍്യത്തൊഴിലാളികൾക്കായുള്ള തെരച്ചിലും രക്ഷാപ്രവർത്തനവും ശക്തമാക്കണമെന്ന് ആവശ‍്യപ്പെട്ട് കേരള കത്തോലിക്ക ബിഷ്പ്പ് കൗൺസിലും രംഗത്തെത്തിയിരുന്നു.