തിരുവനന്തപുരം: വീര‍്യം കുറഞ്ഞ മദ‍്യത്തിന് നികുതി കുറയ്ക്കാനുള്ള സർക്കാർ തീരുമാനത്തിനെതിരേ സമസ്ത മുഖപത്രം. സുപ്രഭാതത്തിൽ വന്ന ലേഖനത്തിലാണ് വിമർശനം. വീര‍്യം കുറഞ്ഞ മദ‍്യം, വീര‍്യം കെട്ട നയം തലക്കെട്ടോടെയാണ് ലേഖനം പ്രസിദ്ധീകരിച്ചിരിക്കുന്നത്.

സർക്കാർ നടപടി ആശങ്കയ്ക്കിടയാക്കുന്നതാണെന്നും സുരക്ഷിത മദ‍്യം എന്ന തെറ്റായ ധാരണ മദ‍്യ ഉപയോഗത്തിലേക്ക് ജനങ്ങളെ ആകർഷിക്കുമെന്നും ലേഖനത്തിൽ പരാമർശിക്കുന്നു. പാർട്ടിക്കുള്ളിലും മുന്നണിക്കുള്ളിലും സർക്കാർ നടപടിക്കെതിരേ വിയോജിപ്പ് നിലനിൽക്കുമ്പോഴാണ് ഇത്തരത്തിലൊരു വിമർശനമുണ്ടായിരിക്കുന്നത്.