വാളയാർ ആൾക്കൂട്ട കൊല; പ്രതിയെ മരിച്ച നിലയിൽ കണ്ടെത്തി

പാലക്കാട്: വാളയാർ ആൾക്കൂട്ട കൊലപാതക കേസിലെ പ്രതിയെ മരിച്ച നിലയിൽ കണ്ടെത്തി. പ്രതികളിൽ‌ ഒരാളായ വിനോദിനെയാണ് മരിച്ച നിലയിൽ കണ്ടെത്തിയത്. കേസിൽ പ്രതികളുടെ എല്ലാം ജാമ്യം ഹൈക്കോടതി റദ്ദാക്കിയിരുന്നു.

അന്വേഷണസംഘത്തിന്‍റെ മുന്നിൽ ഹാജരാകാൻ നോട്ടീസ് നൽകിയതിന് പിന്നാലെയാണ് വിനോദിനെ മരിച്ചനിലയിൽ കണ്ടെത്തിയത്.

രാം നാരായണൻ എന്ന ഛത്തീസ്ഗഢ് സ്വദേശി ഡിസംബർ 17നാണ് ആൾക്കൂട്ട ആക്രമണത്തിൽ കൊല്ലപ്പെട്ടത്. കേസിൽ 9 പേരേ പ്രതിചേർത്തിരുന്നു. ഇതിൽ 8 പേർക്ക് ഹൈക്കോടതി നേരത്തെ ജാമ്യം അനുവദിച്ചിരുന്നു.