ഇരിങ്ങാലക്കുട: മുഖ്യമന്ത്രി വി.ഡി. സതീശനെതിരേയുള്ള വ്യാജ വീഡിയോ സമൂഹമാധ്യമങ്ങളിൽ പ്രചരിപ്പിച്ച മുൻ മന്ത്രി ഡോ. ആർ. ബിന്ദുവിനെതിരേ സൈബർ സെല്ലിൽ പരാതി നൽകി യൂത്ത് കോൺഗ്രസ് ഇരിങ്ങാലക്കുട നിയോജക മണ്ഡലം കമ്മിറ്റി. അശ്ലീല ആംഗ്യങ്ങളോടെയുള്ള വ്യാജ എഐ വിഡിയോ പ്രചരിപ്പിച്ചുവെന്ന് ചൂണ്ടിക്കാട്ടിയാണ് പരാതി നൽകിയിരിക്കുന്നത്.

നിയോജക മണ്ഡലം പ്രസിഡന്‍റ് സനൽ കല്ലൂക്കാരൻ, ജനറൽ സെക്രട്ടറി വിനു ആന്‍റണി അക്കരക്കാരൻ, മണ്ഡലം പ്രസിഡന്‍റുമാരായ ജോമോൻ മണാത്ത്, ശരത് ദാസ്, ഷിൻസ് വടക്കൻ എന്നിവരുടെ നേതൃത്വത്തിലാണ് പരാതി നൽകിയത്.