പത്തനംതിട്ടയിൽ അജ്ഞാതൻ ഫ്യൂസ് ഊരി മാറ്റി; വൈദ്യുതി തടസപ്പെട്ടത് ഒരു മണിക്കൂറോളം, കെഎസ്ഇബി പരാതി നൽകി

അടൂർ: പത്തനംതിട്ട അടൂർ വൈദ്യുതി സെക്ഷനിൽ അജ്ഞാതൻ ഫ്യൂസ് ഊരിയതിനെ തുടർന്ന് ഒരു മണിക്കൂറോളം നേരം വൈദ്യുതി തടസപ്പെട്ടു. പന്നിവിഴി നെടുംകുളത്തി ട്രാൻഫോമറിലെ 2 ഫ്യൂസുകളാണ് അജ്ഞാതൻ ഊരിയത്. കഴിഞ്ഞ ദിവസം രാത്ര 12 മണിയോടെയായിരുന്നു സംഭവം.

നെടുംകുളഞ്ഞ് ഭാഗത്ത് വൈദ്യുതി മുടങ്ങിയതായി ഒരു ഉപഭോക്താവ് അറിയിച്ചപ്പോൾ ജീവനക്കാർ നടത്തിയ പരിശോധിച്ചപ്പോഴാണ് ഫ്യൂസ് റോഡിൽ ഊരിവച്ചിരിക്കുന്നത് കണ്ടത്. തുടർന്ന് വൈദ്യുതി പുനസ്ഥാപിക്കുകയായിരുന്നു. സംഭവത്തിൽ കെഎസ്ഇബി പൊലീസിൽ പരാതി നൽകി.