കൊങ്കണ്‍ പാതയിലൂടെ കേരളത്തിലേക്ക് ഓടുന്ന ട്രെയിനുകളുടെ സമയത്തില്‍ മാറ്റം
മുംബൈ: കൊങ്കണ്‍പാതയിലൂടെ ഓടുന്ന ട്രെയിനുകളുടെ സമയം ജൂണ്‍ 15 മുതല്‍ മാറും. കേരളത്തിലേക്കുള്ള ട്രെയിനുകളും ഇതിലുള്‍പ്പെടും. നിലവില്‍ മണിക്കൂറില്‍ 110 കിലോമീറ്ററിലോടുന്ന വണ്ടികളുടെ വേഗം 75 വരെയായി കുറയും.
മഴ കനത്താല്‍ 40 കിലോമീറ്ററായി നിയന്ത്രിക്കും. അതിനാല്‍ കേരളത്തില്‍ നിന്ന് കൊങ്കണ്‍ പാതയിലൂടെയുള്ള വണ്ടികള്‍ നേരത്തേ പുറപ്പെടും. ജൂണ്‍ 15 മുതല്‍ ഒക്ടോബര്‍ 20 വരെയാണ് മണ്‍സൂണ്‍ ടൈംടേബിള്‍. പ്രതിദിന ട്രെയിനുകളായ മംഗള, നേത്രാവതി, മത്സ്യഗന്ധ ഉള്‍പ്പൈടെ 25-ലധികം ട്രെയിനുകളുടെ സമയത്തില്‍ മാറ്റം വരും.