മാര്‍ത്തോമ്മാ സഭാ മുംബൈ ഭദ്രാസനം പരിസ്ഥിതി ദിനാഘോഷം
മുംബൈ: മാര്‍ത്തോമ്മാ സഭ മുംബൈ ഭദ്രാസനത്തിന്‍റെ ടിറ്റ്വാലയിലെ സ്ഥലത്ത് ആദ്യ മാവിന്‍തൈ നട്ടുകൊണ്ട് ഭദ്രാസനാധിപന്‍ ഡോ. ജോസഫ് മാര്‍ ഇവാനിയോസ് എപ്പിസ്‌കോപ്പ 'തണല്‍' എന്ന പരിസ്ഥിതി ആത്മീയ കേന്ദ്ര പദ്ധതിക്ക് തുടക്കം കുറിച്ചു.
മാര്‍ത്തോമ്മാ സഭയുടെ പരിസ്ഥിതി സംരക്ഷണ പ്രതിബദ്ധതയുടെ ഭാഗമായാണ് 'തണല്‍' പദ്ധതി ആവിഷ്‌കരിച്ചിരിക്കുന്നത്. ഫലവൃക്ഷങ്ങളുടെയും മറ്റ് സസ്യങ്ങളുടെയും നട്ടുവളര്‍ത്തലിലൂടെ ജൈവവൈവിധ്യം സംരക്ഷിക്കുന്നതിനും പരിസ്ഥിതി സന്തുലിതാവസ്ഥ നിലനിര്‍ത്തുന്നതിനും പദ്ധതി സഹായകരമാകുമെന്ന് ഭദ്രാസന സെക്രട്ടറി റവ. ജിജി മാത്യൂസ് അഭിപ്രായപ്പെട്ടു.
ചടങ്ങില്‍ ഭദ്രാസന ട്രസ്റ്റി വി. പി. സൈമണ്‍, സഭാ-ഭദ്രാസന കൗണ്‍സില്‍ അംഗങ്ങള്‍, സമീപ ഇടവകകളിലെ വൈദികര്‍ എന്നിവര്‍ പങ്കെടുത്തു.