താനെ: താനെ വൃന്ദാവൻ കൈരളി കൾച്ചറൽ അസോസിയേഷൻ എല്ലാവർഷത്തെപ്പോലെ ഈ വർഷവും അസോസിയേഷൻ അംഗങ്ങൾക്കായി വിഷുക്കണി ഒരുക്കിയിരുന്നു.

വിഷു ദിവസം, ഏപ്രിൽ 14ന് ഞായറാഴ്ച കാലത്ത് 7.30. മുതൽ 9.30 വരെ വൃന്ദാവനിലെ ഓഫീസിൽ ഒരുക്കിയ വിഷുക്കണി ദർശനത്തിൽ പങ്കെടുക്കുവാനായി നിരവധി പേരാണ് രാവിലേ തന്നെ എത്തിച്ചേർന്നത്.എല്ലാവർക്കും വിഷുക്കൈനീട്ടവും പായസവും നൽകിയാണ് ഭാരവാഹികൾ വിഷു ആഘോഷിച്ചത്.

കഴിഞ്ഞ 30 വർഷമായി കൈരളി കൾച്ചറൽ അസോസിയേഷൻ വിഷു ആഘോഷിക്കാറുണ്ടെന്നും, എല്ലാ വർഷവും പായസ വിതരണവും നടത്താറുണ്ടെന്നും അസോസിയേഷൻ ഭാരവാഹികൾ പറയുകയുണ്ടായി.