മുത്തപ്പന് വെള്ളാട്ട മഹോത്സവം സമാപിച്ചു
മുംബൈ: ഡോംബിവിലി ഈസ്റ്റ് ലോധാ-പലാവ മേഖലയില് സംഘടിപ്പിച്ച ശ്രീ മുത്തപ്പന് വെള്ളാട്ട മഹോത്സവം സമാപിച്ചു. റണ്വാള് മൈ സിറ്റി, ലോധാ പലാവ, റിവര്വുഡ് പാര്ക്ക് എന്നിവിടങ്ങളിലെ ഭക്തരുടെ സംയുക്ത നേതൃത്വത്തില് രൂപീകൃതമായ ശ്രീ മുത്തപ്പന് സേവാസമിതി, ലോധാ-പലാവയുടെ ആഭിമുഖ്യത്തില് സംഘടിപ്പിച്ച മഹോത്സവം വലിയ പങ്കാളിത്തത്തോടെയാണ് നടന്നത്.
മുംബൈ നഗരപരിസരങ്ങളിലെ മലയാളി സമൂഹത്തിന്റെ ഐ ക്യവും ആത്മീയ ചൈതന്യവും ഉയര്ത്തിപ്പിടിക്കുന്ന ഒരു ശ്രദ്ധേയമായ ആഘോഷമായി ലോധാ-പലാവയിലെ ആദ്യ ശ്രീ മുത്തപ്പന് വെള്ളാട്ട മഹോത്സവം മാറിയതായി സംഘാടകര് പറഞ്ഞു.