അമ്രേലി: ഗുജറാത്തിൽ സിംഹത്തിന്‍റെ ആക്രമണത്തിൽ യുവാവ് കൊല്ലപ്പെട്ട സംഭവത്തിൽ വിശദീകരണവുമായി വനം വകുപ്പ്. 21കാരനായ സുഹൈൽ മുഞ്ജാവർ ആണ് ബുധനാഴ്ച വൈകിട്ട് സിംഹത്തിന്‍റെ ആക്രമണത്തിൽ കൊല്ലപ്പെട്ടത്. സിംഹങ്ങൾ ഇണ ചേരുന്നതിനിടെ സുഹൈലും സുഹൃത്തുക്കളും ചേർന്ന് ശല്യപ്പെടുത്തിയതാണ് സിംഹത്തെ പ്രകോപിപ്പിച്ചതെന്നാണ് വനംവകുപ്പിന്‍റെ പ്രാഥമിക നിഗമനം.

അമ്രേലി സ്വദേശിയായ സുഹൈൽ ലുവാരിയ റിസർവ് വനത്തിന് അരികിൽ വച്ചാണ് കൊല്ലപ്പെട്ടത്. സംഭവത്തിൽ വിശദമായ അന്വേഷണം തുടരുകയാണ്.

9-12 വയസുള്ള സിംഹമാണ് സുഹൈലിനെ ആക്രമിച്ച് കൊന്നതെന്നാമ് കണ്ടെത്തിയിരിക്കുന്നത്. സിംഹത്തെ പിന്നീട് വനംവകുപ്പ് പിടികൂടിയിരുന്നു.