ശ്രീനഗർ: ജമ്മു കശ്മീരിലും ആൻഡമാൻ നിക്കോബാർ ദ്വീപ് മേഖലയിലും ഭൂചലനം. തിങ്കളാഴ്ച പുലർച്ചെ 5.35 ഓടെയാണ് കശ്മീരിൽ ഭൂചലനമുണ്ടായത്. 4.7 തീവ്രതയാണ് രേഖപ്പെടുത്തിയത്.

അൻഡമാൻ നിക്കോബാർ ദ്വീപ് മേഖലയിൽ 4.6 തീവ്രത രേഖപ്പെടുത്തിയ ഭൂചലനം പുലർച്ചെ 3.30 ഓടെയാണ് ഉണ്ടായത്. ജനങ്ങൾ പരിഭ്രാന്തരായി വീടുകളിൽ നിന്ന് പുറത്തേക്ക് ഇറങ്ങി ഓടി.

എന്നാൽ രണ്ടിടങ്ങളിലും ആളപായങ്ങൾ റിപ്പോർട്ട് ചെയ്തിട്ടില്ല. ഭൂമിക്കടിയിൽ 10 കിലോമീറ്റർ ആഴത്തിലാണ് ഭൂചലനത്തിന്‍റെ പ്രഭവകേന്ദ്രമെന്നാണ് വിവരം.