ഡൽഹിയിൽ മെട്രൊ സ്റ്റേഷന് സമീപം തീപിടിത്തം

ന്യൂഡൽഹി: ഡൽഹിയിലെ രാജധാനി മെട്രോ സ്റ്റേഷന് സമീപമുള്ള തടി ഗോഡൗണിൽ വൻ തീപിടിത്തം. ആളപായമില്ല. പടിഞ്ഞാറൻ ഡൽഹിയിൽ ഞായറാഴ്ച പുലർച്ചെ 3.24ഓടെയാണ് സംഭവം.

അസാം ടിംബർ മാർക്കറ്റിലെ ഗോഡൗണിലാണ് തീപിടിത്തമുണ്ടായത്. ബഹുനില കെട്ടിടത്തിന്‍റെ ബേസ്മെന്‍റിലാണ് ഗോഡൗൺ പ്രവർത്തിച്ചിരുന്നത്. വിവരമറിഞ്ഞ് 25 അഗ്നിരക്ഷാ സേന യൂണിറ്റുകളെത്തി. തുടർന്ന് മണിക്കൂറുകൾ നീണ്ട പരിശ്രമത്തിനൊടുവിൽ രാവിലെ 6.30ഓടെ തീ നിയന്ത്രണവിധേയമാക്കി.