ബംഗളൂരു: ബസിന്‍റെ ഹെഡ് ‌ലൈറ്റ് പണിമുടക്കിയതോടെ യാത്ര തുടരുന്നതിനായി മൊബൈൽ ടോർച്ച് തെളിയിച്ച് കണ്ടക്റ്റർ. കല്യാണ കർണാടക റോഡ് ട്രാൻസ്പോർട് കോർപ്പറേഷൻ ബസ് മൊബൈൽ വെളിച്ചത്തിൽ യാത്ര ചെയ്യുന്ന വിഡിയോ സമൂഹമാധ്യമങ്ങളിൽ വൈറലാവുകയാണ്.

കലബുർഗി നഗരത്തിൽ നിന്നും ചിഞ്ചോലിയിലേക്കുള്ള അവസാനത്തെ ബസിലാണ് സംഭവം. രണ്ടു നഗരങ്ങളും തമ്മിൽ 90 കിലോമീറ്ററോളം അകലമുണ്ട്.

എവിടെ മുതലാണ് ബസിന്‍റെ ഹെഡ്‌ലൈറ്റ് പണിമുടക്കിയതെന്ന് വ്യക്തമല്ല. ഇരുട്ടിലൂടെ വാഹനം മുന്നോട്ടു പോകുന്നതും കണ്ടക്റ്റർ ടോർച്ച് തെളിയിച്ചു നൽകുന്നതുമായ വിഡിയോയാണ് പ്രചരിക്കുന്നത്.