ന്യൂഡൽഹി: ഡൽഹിയിലെ പടിഞ്ഞാറൻ മേഖലയിൽ വീടിന് തീപിടിച്ചതിനെ തുടർന്ന് എൽപിജി സിലിണ്ടർ പൊട്ടിത്തെറിച്ച് ഒരാൾ മരിച്ചു. തിലക് നഗറിൽ ശനിയാഴ്ച പുലർച്ചെ മൂന്നിനായിരുന്നു സംഭവം.

ബഹുനില കെട്ടിടത്തിന്‍റെ താഴത്തെ നിലയിലാണ് തീപിടിത്തമുണ്ടായത്. തീപിടിത്തത്തിനിടെ എൽപിജി സിലിണ്ടർ പൊട്ടിത്തെറിച്ചതിനെ തുടർന്ന് ഒരാൾ സംഭവസ്ഥലത്തുവച്ച് തന്നെ മരിച്ചു. മൂന്ന് അഗ്നിരക്ഷാസേന യൂണിറ്റുകൾ സ്ഥലത്തെത്തി. സംഭവത്തിന്‍റെ കൂടുതൽ വിവരങ്ങൾ ലഭ്യമായിട്ടില്ല.