ചെന്നൈ: നൈനാർ നാഗേന്ദ്രൻ തമിഴ്നാട് ബിജെപി അധ‍്യക്ഷനാകും. ചെന്നൈയിലെ പാർട്ടി ആസ്ഥാനത്ത് എത്തി നൈനാർ നാമനിർദേശ പത്രിക സമർപ്പിച്ചു.

അധ‍്യക്ഷ സ്ഥാനത്തേക്ക് നൈനാർ മാത്രമാണ് പത്രിക സമർപ്പിച്ചത്. ശനിയാഴ്ചയോടെ ഔദ‍്യോഗിക പ്രഖ‍്യാപനമുണ്ടാവുമെന്നാണ് വിവരം.

2017ലാണ് എഐഎഡിഎംകെ പ്രവർത്തകനായിരുന്ന നൈനാർ ബിജെപിയിൽ ചേർന്നത്. നിലവിൽ തിരുനെൽവേലി എംഎൽഎയാണ് അദ്ദേഹം.

തേവർ സമുദായത്തിലുള്ള ആളായതിനാലാണ് നൈനാറിനെ അധ‍്യക്ഷ സ്ഥാനത്തേക്ക് പരിഗണിക്കാൻ കാരണമെന്നാണ് വിലയിരുത്തൽ.