ചെന്നൈ: നടൻ വിജയ്‌യുടെ രാഷ്ട്രീയ പാർട്ടിയായ തമിഴക വെട്രി കഴകത്തിന്‍റെ പൊതുയോഗത്തിന് പൊലീസ് അനുമതി നൽകി. കർ‌ശന ഉപാധികളോടെയാണ് അനുമതി നൽകിയിരിക്കുന്നത്. ഫെബ്രുവരി 13ന് ഉച്ചയ്ക്ക് സേലത്ത് വച്ചായിരിക്കും യോഗം നടത്തുക.

5,000 പേർക്കെ യോഗത്തിൽ പങ്കെടുക്കാൻ അനുമതിയുള്ളൂ. ക്രമസമാധാനം ഉറപ്പാക്കണമെന്നും ഗതാഗതക്കുരുക്ക് ഉണ്ടാക്കാൻ പാടില്ലെന്നും നിർദേശമുണ്ട്. കരൂർ ദുരന്തത്തിന്‍റെ പശ്ചാത്തലത്തിലാണ് പൊലീസ് ഉപാധികൾ മുന്നോട്ടുവച്ചത്.