ന‍്യൂഡൽഹി: ഗാനരചയിതാവും എഴുത്തുകാരനുമായ പ്രസൂൺ ജോഷിയെ പ്രസാർ ഭാരതിയുടെ ചെയർമാനായി നിയമിച്ചു. അടുത്തിടെ നവനീത് കുമാർ സെഹ്ഗാൾ രാജിവച്ചതിനു പിന്നാലെയാണ് പുതിയ ചെയർമാനെ നിയമിച്ചിരിക്കുന്നത്. പ്രസൂൺ ജോഷിയെ ചെയർമാനായി നിയമിച്ചതിൽ കേന്ദ്ര മന്ത്രി അശ്വിനി വൈഷ്ണവ് അഭിനന്ദിച്ചു.

സാഹിത‍്യം, പരസ‍്യം, സിനിമ, പൊതു ആശയ വിനിമയം എന്നീ മേഖലകളിൽ പ്രസൂൺ ജോഷി നൽകിയ സംഭാവനകൾ നിയമനം പ്രഖ‍്യാപിക്കുന്ന സമയം മന്ത്രാലയം എടുത്തു പറഞ്ഞു. 2017 ഓഗസ്റ്റ് മുതൽ സെൻസർ ബോർഡ് ചെയർമാനായി പ്രവർത്തിച്ച് വരുകയാണ് പ്രസൂൺ.