ന്യൂഡൽഹി: വേശ്യാവൃത്തി നിരോധിക്കാനോ ക്രിമിനൽ കുറ്റമാക്കാനോ അല്ല 1956 ലെ ഇമ്മോറൽ ട്രാഫിക് ആക്റ്റെന്ന് സുപ്രീം കോടതി. വേശ്യാവൃത്തിയുടെ വാണിജ്യവത്കരണം തടയാനാണ് നിയമമെന്ന് സുപ്രീം കോടതി വ്യക്തമാക്കി.

നിയമം കുറ്റവാളികളെ ശിക്ഷിക്കാനാണ്, വേശ്യാവൃത്തിയിൽ ഏർ‌പ്പെടുന്നവരെ ശിക്ഷിക്കാനല്ല. വേശ്യാവൃത്തിയിൽ ഇടപെടുന്നവർക്ക് ശിക്ഷ വ്യവസ്ഥ ചെയ്യുന്ന, നിയമത്തിലെ 7, 8 വകുപ്പുകൾ സംബന്ധിച്ചും കോടതി വിശദീകരിച്ചു.

പൊതുസ്ഥലങ്ങളിൽ വേശ്യാവൃത്തിയിൽ ഏർപ്പെടുന്നതും പൊതുസ്ഥലങ്ങളിൽ വച്ച് ഉപയോക്താക്കളെ ആകർഷിക്കുന്നതുമാണ് കുറ്റകരം. ഒരു സ്ത്രീ തന്‍റെ ഉപജീവനത്തിനായി മറ്റാരുടെയും സഹായമില്ലാതെ വേശ്യാവൃത്തിയിൽ ഏർപ്പെടുന്ന സ്ഥലത്തെ വേശ്യാലയം എന്നു പറയാൻ കഴിയില്ലെന്നാണ് സുപ്രീം കോടതിയുടെ വിശദീകരണം.