കോൽക്കത്ത: വിമത എംപിമാരുടെ പരാതിയിൽ തൃണമൂൽ കോൺഗ്രസിന്‍റെ ബാങ്ക് അക്കൗണ്ടുകൾ പൊലീസ് മരവിപ്പിച്ചു. പാർട്ടിക്കുള്ളിൽ ഉണ്ടായ ആഭ‍്യന്തര തർക്കങ്ങളെ തുടർന്നാണ് എംപിമാർ പരാതി നൽകിയിരുന്നത്. ഒരു സ്വകാര‍്യ ബാങ്കിലുള്ള മൂന്ന് അക്കൗണ്ടുകളാണ് മരവിപ്പിച്ചിരിക്കുന്നത്.

മൂന്ന് അക്കൗണ്ടുകളിലായി ഏകദേശം 440 കോടി രൂപയുള്ളതായി പറയപ്പെടുന്നു. ഈ അക്കൗണ്ടുകളിൽ പണം നിക്ഷേപിക്കുന്നതിൽ തടസമില്ലെങ്കിലും പണം പിൻവലിക്കാനോ പുറത്തേക്ക് കൈമാറാനോ സാധിക്കില്ല. അക്കൗണ്ടുകളിലുള്ള പണത്തിന്‍റെ ഉറവിടം സംബന്ധിച്ച് അന്വേഷണം വേണമെന്നാണ് എംപിമാരുടെ ആവശ‍്യം.