ചെന്നൈ: തമിഴ്നാട്ടിൽ വിജയ് സർക്കാരിന്‍റെ 23 മന്ത്രിമാർ കൂടി സത്യപ്രതിജ്ഞ ചെയ്ത് അധികാരമേറ്റു. ടിവികെയിൽ നിന്ന് 21 മന്ത്രിമാരും കോൺഗ്രസിലെ 2 മന്ത്രമാരുമാണ് സത്യപ്രതിജ്ഞ ചെയ്തത്. ലോക്ഭവനിൽ നടന്ന ചടങ്ങിൽ ഗവർണർ രാജേന്ദ്ര ആർലേക്കറാണ് സത്യവാചകം ചൊല്ലിക്കൊടുത്തത്.

അഞ്ചുപതിറ്റാണ്ടിന് ശേഷമാണ് തമിഴ്നാട്ടിൽ കോൺഗ്രസ് മന്ത്രിമാരുണ്ടാവുന്നത്. സർക്കാരിന് പിന്തുണ നൽകിയ കോൺഗ്രസ് ഉൾപ്പെടെയുള്ള ഘടക കക്ഷികൾക്ക് ടിവികെ മന്ത്രിസ്ഥാനം വാഗ്ദാനം ചെയ്തിരുന്നു. രാജേഷ് കുമാർ, പി. വിശ്വനാഥൻ എന്നിവരാണ് വിജയ് സർക്കാരിലെ കോൺഗ്രസ് മന്ത്രിമാർ.

മുസ്ലിം ലീഗിനും വിസികെയ്ക്ക് വിജയ് മന്ത്രിസ്ഥാനം വാഗ്ദാനം ചെയ്തെങ്കിലും ഇക്കാര്യത്തിൽ ഇരുകക്ഷികളും തീരുമാനമെടുത്തിട്ടില്ല. 234 അംഗ നിയമസഭയിൽ മുഖ്യമന്ത്രി ഉൾപ്പെടെ 36 മന്ത്രിമാർ വരെയാവാം. ഇവരിൽ 32 മന്ത്രിമാരാണ് ഇതുവരെ സത്യപ്രതിജ്ഞ ചെയ്തത്.