ബംഗാളിൽ സർക്കാർ ആശുപത്രിയിൽ മരക്കൊമ്പ് വീണ് സ്ത്രീ മരിച്ചു
representative image
കോൽക്കത്ത: പശ്ചിമ ബംഗാളിലെ കോൽക്കത്തയിൽ സർക്കാർ ആശുപത്രി വളപ്പിൽ മരക്കൊമ്പ് പൊട്ടിവീണ് സ്ത്രീ മരിച്ചു. നഗരത്തിലെ എസ്‌എസ്‌കെഎം ആശുപത്രിയിൽ തിങ്കളാഴ്ചയാണ് സംഭവം.
ബിർഭും ജില്ലയിലെ നൽഹാട്ടി സ്വദേശിനിയായ റഹിദ ബീബി (46) ആണ് മരിച്ചത്. ആശുപത്രി വളപ്പിൽ വച്ച് അപ്രതീക്ഷിതമായി മരക്കൊമ്പ് റഹിദ ബീബിയുടെ ദേഹത്തേക്ക് പൊട്ടിവീഴുകയായിരുന്നു. മൃതദേഹം പോസ്റ്റുമോർട്ടത്തിനായി മോർച്ചറിയിലേക്ക് മാറ്റി. സംഭവത്തിൽ പൊലീസ് കേസെടുത്തു.