ദുബായ്: ഗൾഫിൽ സംഘർഷം തുടരുന്ന പശ്ചാത്തലത്തിൽ യുഎഇയിൽ ഈ മാസം 30 വരെ നടക്കേണ്ടിയിരുന്ന എസ്എസ്എൽസി, ഹയർ സെക്കൻഡറി പരീക്ഷകൾ മാറ്റിവച്ചു. ഏപ്രിൽ 6ന് സ്ഥിതി വിലയിരുത്തിയ ശേഷം പുതുക്കിയ തീയതി പിന്നീട് അറിയിക്കും.

സംഘർഷം തുടർന്നാൽ മേയിൽ സേ എക്സാമിനൊപ്പം പരീക്ഷ നടത്താനും ആലോചിക്കുന്നുണ്ട്. വിദേശത്തു പോകുന്നവർക്കും നാട്ടിൽ പ്ലസ് വണ്ണിനു ചേരാൻ ആഗ്രഹിക്കുന്നവർക്കും ഇത് തിരിച്ചടിയാകുമെന്നാണ് ആശങ്ക. മറ്റു പരീക്ഷകൾ നേരത്തേ മാറ്റിവച്ചിരുന്നു.