ബീജിങ്: ചൈനയിലെ ഷുഹായ് നഗരത്തിൽ ആൾക്കൂട്ടത്തിനിടയിലേക്കു കാർ പാഞ്ഞുകയറി 35 പേർ മരിച്ചു. 43 പേർക്കു പരുക്കേറ്റു. നഗരത്തിൽ പ്രശസ്തമായ വ്യോമാഭ്യാസം നടക്കുന്നതിനിടെയാണ് അപകടം.

കാർ ഡ്രൈവറായ 62കാരനെ അറസ്റ്റ് ചെയ്തു. ദക്ഷിണ ചൈനയിലെ ഷുഹായിലാണ് സംഭവം. അപകടമാണോ ആക്രമണമാണോ എന്നു വ്യക്തമല്ല. അപകടമുണ്ടാക്കിയതിന് ശേഷം ഇയാൾ രക്ഷപ്പെടാൻ ശ്രമിക്കവേയാണ് പ്രതിയെ പൊലീസ് പിടികൂടിയത്. കുറ്റക്കാർക്കെതിരേ കർശന നടപടിയുണ്ടാകുമെന്നു പ്രസിഡന്‍റ് ഷി ജിൻപിങ് പറഞ്ഞു.