ഖമനേയിയുടെ വിലാപയാത്രയിൽ എത്ര പേർ പങ്കെടുത്തു? കണക്ക് പുറത്തു വിട്ട് ഇറാനിയൻ മാധ‍്യമങ്ങൾ
ടെഹ്റാൻ: യുഎസ്- ഇസ്രയേൽ സംയുക്ത വ‍്യോമാക്രമണത്തിൽ കൊല്ലപ്പെട്ട ഇറാന്‍റെ പരമോന്നത നേതാവ് ആയത്തുള്ള അലി ഖമനേയിയുടെ വിലാപ യാത്രയിൽ 4.1 മുതൽ 4.3 കോടി ജനങ്ങൾ പങ്കെടുത്തതായി വിവിധ ഇറാനിയൻ മാധ‍്യമങ്ങൾ റിപ്പോർട്ട് ചെയ്തു.
ലോകത്തെ ഏറ്റവും വലിയ ജനപങ്കാളിത്തമുള്ള വിലാപയാത്രയാണിതെന്നാണ് ഇറാന്‍റെ ഔദ‍്യോഗിക മാധ‍്യമമായ പ്രസ് ടിവി റിപ്പോർട്ട് ചെയ്തത്.
ടെഹ്റാൻ അടക്കമുള്ള നഗരങ്ങളിലായി 6 ദിവസം വിടവാങ്ങൾ ചടങ്ങുകൾ നീണ്ടു നിന്നു. യുദ്ധസാഹചര‍്യങ്ങൾ മൂലമാണ് ശവസംസ്കാര ചടങ്ങുകൾ നാലു മാസത്തിലേറെ വൈകിയത്. മഷാദിലെ ഇമാം റെസ പള്ളിയിലാണ് അദ്ദേഹത്തിന്‍റെ ഭൗതിക ശരീരം ഖബറടക്കിയത്.