കടലിനടിയിൽ തനിക്കുണ്ടായ അപ്രതീക്ഷിത അനുഭവത്തെക്കുറിച്ചുള്ള ട്രാവൽ വ്ലോഗറുടെ വിഡീയോ നിമിഷ നേരംകൊണ്ടാണ് വൈറലായത്. തനിക്കൊരു ആമയുടെ അടികിട്ടിയെന്ന തലക്കെട്ടോടെയാണ് ക്രിസ്റ്റഫർ ചാങ്ങ് വീഡിയോ പങ്കുവയ്ക്കുന്നത്.

ഡൈവിങ്ങിനിടെ കടലാമ മനുഷ്യരെ ശ്രദ്ധിക്കാതെ സ്വന്തം കാര്യം നോക്കി പോവലാണ് പതിവ്. എന്നാൽ ഈ ആമ തുടക്കത്തിൽ തന്നെ വ്യത്യസ്ഥമായി പെരുമാറിയതായി ചാങ്ങ് പറയുന്നു. താൻ പോവുന്ന കഴികളിലെല്ലാം കുറച്ച് മാറി ഈ ആമയും ഉണ്ടായിരുന്നു. ആ ആമ തന്‍റെ അടുത്തേക്ക് വരികയും തന്നെ തുറിച്ച് നോക്കിയതായും ചാങ്ങ് പറയുന്നു. അടുത്തു വന്ന ആമ ചാങ്ങിന്‍റെ മുഖത്തടിക്കുകയും ഒന്നും സംഭവിക്കാത്തതുപോലെ നീന്തി മറയുകയും ചെയ്യുകയായിരുന്നു. ഇതോടെ പന്തികേട് തോന്നിയതോടെ താൻ ബോട്ടിലേക്ക് മടങ്ങുകയുമായിരുന്നെന്ന് ചാങ്ങ് പറയുന്നു.

ഈ വീഡിയോ നിമിഷനേരം കൊണ്ട് തന്നെ വൈറലായി. 'പിന്നല്ലാതെ, തന്‍റെ സ്ഥലത്ത് വന്ന ബഹളം വച്ചാൻ ആമ നോക്കിയിരിക്കുമോ', 'മിണ്ടാതിരിക്കാനാണ് ആമ തല്ലിയത്', 'ഒരാൾടെ സമ്മതമില്ലാതെ വീഡിയോ എടുത്താൻ ഇങ്ങനെയിരിക്കും' എന്നിങ്ങനെ നീളുന്നു രസകരമായ കമന്‍റുകൾ.