ഭുവനേശ്വർ: ഭുവനേശ്വറിൽ നടക്കുന്ന അന്തർ സംസ്ഥാന ദേശീയ അത്‌ലറ്റിക്സ് ചാംപ‍്യൻഷിപ്പിൽ ചരിത്ര നേട്ടം കുറിച്ച് തൃശ‍ൂർ സ്വദേശിനി ആൻസി സോജൻ. മലയാളി ലോങ് ജമ്പ് താരം അഞ്ജു ബോബി ജോർജിന്‍റെ 22 വർഷം പഴക്കമുള്ള ദേശീയ റെക്കോഡാണ് ആൻസി സോജൻ തകർത്തത്.

ഏഷ‍്യൻ ഗെയിംസിലെ വെള്ളി മെഡൽ ജേതാവായ ആൻസി, അത്‌ലറ്റിക്സ് ചാംപ‍്യൻഷിപ്പിൽ 6.88 മീറ്റർ ദൂരം ചാടി. 2004ൽ ഏഥൻസ് ഒളിംപിക്സ് ലോങ് ജമ്പ് ഫൈനലിൽ 6.83 മീറ്റർ ചാടിയാണ് അഞ്ജു ബേബി ജോർജ് റെക്കോഡിട്ടത്. ഇതിനെയാണ് ഇപ്പോൾ ആൻസി മറികടന്നത്. ഇതോടെ ഏഷ‍്യൻ ഗെയിംസിനും താരം യോഗ‍്യത നേടി.