കൊച്ചി: ഐഎസ്എൽ ഫുട്ബോളിൽ കേരള ബ്ലാസ്റ്റേഴ്സിന് സീസണിലെ രണ്ടാം തോൽവി. ഹോം ഗ്രൗണ്ടിൽ തിരിച്ചുവന്ന ബ്ലാസ്റ്റേഴ്സിനെ മുംബൈ സിറ്റി എഫ്സിയാണ് മുട്ടുകുത്തിച്ചത് (1-0). ലാലിയൻസ്വാല ചാങ്തെ (47) മുംബൈയുടെ വിജയഗോളിനുടമ.

നേരത്തെ മോഹൻ ബഗാനോടും ബ്ലാസ്റ്റേഴ്സ് പരാജയപ്പെട്ടിരുന്നു. കളിയുടെ ആദ്യപകുതിയിൽ ഇരു ടീമുകൾക്കും ‌ഗോൾ നേടാൻ സാധിച്ചിരുന്നില്ല.

രണ്ടാം പകുതിയിലെ 47ാം മിനിറ്റിൽ ലാലിയൻസുവാല ചാങ്തെ മുംബൈയ്ക്കായി ആദ്യ ഗോൾ നേടി. ഇതോടെ ആറ് പോയിന്‍റോടെ മുംബൈ പട്ടികയിൽ രണ്ടാം സ്ഥാനത്തെത്തി.