കൊച്ചി: പൊതുജനാരോഗ്യവും ശാരീരികക്ഷമതയും മെച്ചപ്പെടുത്താൻ ലക്ഷ്യമിട്ട് ക്ലിയോസ്പോർട്‌സിന്‍റെ ആഭിമുഖ്യത്തിൽ സംഘടിപ്പിക്കുന്ന ഫെഡറൽ ബാങ്ക് കൊച്ചി മാരത്തൺ 2026-ന്‍റെ രജിസ്ട്രേഷൻ ആരംഭിച്ചു. നാലാം പതിപ്പിന്‍റെ രജിസ്ട്രേഷൻ ഹൈബി ഈഡൻ എംപി ഔദ്യോഗികമായി ഉദ്ഘാടനം ചെയ്തു. ക്ലിയോസ്പോർട്സ് ഡയറക്റ്റർ ശബരി നായർ, നിധുൻ സദാനന്ദൻ, വൈസ് പ്രസിഡന്‍റ്-മാർക്കറ്റിങ് എന്നിവരും ചടങ്ങിൽ പങ്കെടുത്തു.

2026 ഫെബ്രുവരി എട്ടിനു നടക്കുന്ന ഫെഡറൽ ബാങ്ക് കൊച്ചി മാരത്തൺ 42.195 കിലോമീറ്റർ മാരത്തൺ, 21.1 കിലോമീറ്റർ ഹാഫ് മാരത്തോൺ, 10 കിലോമീറ്റർ റൺ, 3 കിലോമീറ്റർ ഗ്രീൻ റൺ എന്നിങ്ങനെ നാല് വിഭാഗങ്ങളിലായാണ് സംഘടിപ്പിക്കുന്നത്.

സെപ്റ്റംബർ 15നുള്ളിൽ രജിസ്റ്റർ ചെയ്യുന്നവർക്ക് നാലു വിഭാഗങ്ങളിലും മൺസൂൺ ഏർലി ബേഡ് ഓഫർ ലഭിക്കും. ഇതു പ്രകാരം രജിസ്ട്രേഷൻ ഫീസിൽ 10% ഡിസ്കൗണ്ട് ഉണ്ടാകും. കൂടാതെ ആദ്യം രജിസ്റ്റർ ചെയ്യുന്ന 1000 പേർക്ക് കസ്റ്റമൈസ്ഡ് റേസ് ടീ ഷർട്ട് സ്വന്തമാക്കാനും അവസരം. കൂടുതൽ വിവരങ്ങൾക്കും രജിസ്ട്രേഷനും സന്ദർശിക്കുക: www.kochimarathon.in