ബോസ്റ്റൺ: ഹെയ്തിക്കെതിരായ ലോകകപ്പ് മത്സരത്തിൽ സ്കോട്ട്‌ലൻഡിന് ആവേശകരമായ ജയം. 28 വർഷത്തിന് ശേഷം ലോകകപ്പ് വേദിയിലെത്തിയ സ്കോട്ട്ലൻഡ് ഏകപക്ഷീയമായ ഒരു ഗോളിനാണ് ഹെയ്തിയെ തോൽപ്പിച്ചത്. സ്കോട്ട്‌ലൻഡിനു വേണ്ടി ജോൺ മക്ഗിൻ ആണ് ഗോൾ നേടിയത്.

ഇതോടെ 3 പോയിന്‍റുമായി ഗ്രൂപ്പ് സിയിൽ സ്കോട്ട്‌ലൻഡ് ഒന്നാം സ്ഥാനത്തെത്തി. സ്കോട്ട്‌ലൻഡിനെതിരേ തിരിച്ചടിക്കാൻ ഹെയ്തി ശ്രമിച്ചെങ്കിലും സ്കോട്ടിഷ് ഗോളി ആംഗസ് ഗണ്ണും ആരോൺ ഹിക്കിയും ചേർന്ന് ശക്തമായ പ്രതിരോധം തീർത്തു.