ന‍്യൂഡൽഹി: കഴിഞ്ഞ ദിവസം നെതർലൻഡ്സിനെതിരായ ടി20 ലോകകപ്പ് മത്സരത്തിൽ അർധസെഞ്ചുറി നേടിയതോടെ അന്താരാഷ്ട്ര ക്രിക്കറ്റിൽ പുതിയ റെക്കോഡ് സ്വന്തമാക്കിയിരിക്കുകയാണ് സ്റ്റാർ താരം സ്മൃതി മന്ഥന. ടി20 ക്രിക്കറ്റിൽ മാത്രമായി ഏറ്റവും കൂടുതൽ ബൗണ്ടറികളുള്ള താരമെന്ന റെക്കോഡാണ് സ്മൃതി സ്വന്തം പേരിലേക്ക് ചേർത്തത്.

168 ടി20 മത്സരങ്ങൾ കളിച്ചിട്ടുള്ള താരം 604 ബൗണ്ടറികളാണ് ഇതുവരെ അടിച്ചു കൂട്ടിയത്. നെതർലൻഡ്സിനെതിരായ മത്സരത്തിൽ 47 പന്തിൽ‌ നിന്നും 11 ബൗണ്ടറിയും ഒരു സിക്സും അടക്കം 74 റൺസാണ് സ്മൃതി നേടി‍യത്.

ന‍്യൂസിലൻഡ് താരം സൂസി ബേറ്റ്സ് ആണ് സ്മൃതിക്ക് തൊട്ടു താഴെ ഈ പട്ടികയിലുള്ളത്. പുരുഷ ക്രിക്കറ്റിൽ ടി20യിൽ ഏറ്റവും കൂടുതൽ ബൗണ്ടറി അടിച്ചിട്ടുള്ളത് ആരാധകർ സിംബാബർ എന്ന് ഇരട്ടപ്പേരിട്ട് വിളിക്കുന്ന ബാബർ അസമാണ്. 477 ബൗണ്ടറികളാണ് താരം ഇതുവരെ അടിച്ചിട്ടുള്ളത്.

അതേസമയം, 383 ബൗണ്ടറികൾ നേടിയിട്ടുള്ള മുൻ ഇന്ത‍്യൻ ക‍്യാപ്റ്റൻ രോഹിത് ശർമയാണ് ഈ പട്ടികയിൽ ഇടം പിടിച്ചിട്ടുള്ള മറ്റു ഇന്ത‍്യൻ താരം.