വാഷിങ്ടൺ ഡിസി: സ്ത്രീകൾക്കു വേണ്ടിയുള്ള ഒളിംപിക് മത്സരങ്ങളിൽ പങ്കെടുക്കാൻ പുരുഷന്മാരെ അനുവദിക്കില്ലെന്ന് യുഎസ് പ്രസിഡന്‍റ് ഡോണൾഡ് ട്രംപ്.

സ്ത്രീ, പുരുഷൻ എന്നിങ്ങനെ രണ്ടു ലിംഗങ്ങൾ മാത്രമാണുള്ളതെന്നു വ്യക്തമാക്കുന്ന എക്സിക്യൂട്ടിവ് ഓർഡറിൽ താൻ ഒപ്പുവച്ചിട്ടുണ്ടെന്നും, യുഎസ് ആതിഥ്യം വഹിക്കുന്ന കായിക മത്സരങ്ങൾക്കും ഇതു ബാധകമായിരിക്കുമെന്നും അദ്ദേഹം വ്യക്തമാക്കി.

2028 ജൂലൈയിലാണ് ലോസ് ആഞ്ജലസ് ഒളിംപിക്സ്. ജൂലൈ 14 മുതൽ 30 വരെ നീളുന്ന കായിക മാമാങ്കത്തിൽ 51 മത്സര ഇനങ്ങളാണ് ഉൾപ്പെടുത്തിയിട്ടുള്ളത്.