ഗെയിമിങ്ങ് ഡിവിഷനിൽ നിന്ന് 650 ജീവനക്കാരെ പിരിച്ചു വിട്ട് മൈക്രോസോഫ്റ്റ്. ജീവനക്കാരുടെ എണ്ണം 1,900 ആയി കുറച്ച് മാസങ്ങൾക്കുള്ളിലാണ് വീണ്ടും പിരിച്ചു വിടൽ പ്രഖ്യാപിച്ചിരിക്കുന്നത്. റെഡ്ഫോൾ ഗെയിം ഡെവലപ് ചെയ്ത അർക്കെയിൻ ഓസ്റ്റിൻ അടക്കമുള്ള സ്റ്റുഡിയോകളാണ് ഇതോടെ അടച്ചു പൂട്ടുക. എക്സ്ബോക്സ് മേധാവി ഫിൽ സ്പെൻസർ ഇതു സംബന്ധിച്ച മെമോ നൽകി കഴിഞ്ഞു.
റീ സ്ട്രക്ചറിങ്ങിന്റെ ഭാഗമായാണ് പിരിച്ചു വിടൽ എന്നാണ് മെമ്മോയിൽ വ്യക്തമാക്കിയിരിക്കുന്നത്. പിരിച്ചു വിടുന്ന ജീവനക്കാർക്കായി വിവിധ പാക്കേജുകളും മൈക്രോസോഫ്റ്റ് പ്രഖ്യാപിച്ചിട്ടുണ്ട്.