മഞ്ജു നരംഗ്
35 വർഷത്തിന് ശേഷം കോളെജ് പരീക്ഷ എഴുതാനെത്തിയ 50 കാരിയുടെ വിഡിയോ സോഷ്യൽ മീഡിയയിൽ വൈറലാകുന്നു. മഞ്ജു നരംഗ് എന്ന യുവതിയാണ് പരീക്ഷയ്ക്കെത്തിയത്. തന്റെ ഇൻസ്റ്റഗ്രാം അക്കൗണ്ടിലൂടെ യുവതി തന്നെയാണ് പരീക്ഷ എഴുതാൻ എത്തിയതിന്റെ വിഡിയോ പങ്കുവച്ചത്.
ജീവിതത്തിന്റെ ഏതു ഘട്ടത്തിലും പഠനം പുനരാരംഭിക്കാൻ സാധിക്കുമെന്ന് ഓർമപ്പെടുത്തുന്ന യുവതിയുടെ ഹൃദയസ്പർശിയായ വിഡിയോ സോഷ്യൽ മീഡിയയിൽ ആളുകളുടെ ശ്രദ്ധ പിടിച്ചു പറ്റിയിട്ടുണ്ട്.
കോളെജ് കാംപസിലേക്ക് വളരെയധികം ആവേശത്തോടെ നടന്ന് കയറുന്നത് വിഡിയോയിൽ കാണാം. നിരവധി പേരിൽ നിന്നും വ്യത്യസ്ത പ്രതികരണങ്ങളാണ് വിഡിയോയ്ക്ക് താഴെ കമന്റായി ലഭിച്ചിരിക്കുന്നത്. സുന്ദരിയായ വിദ്യാർഥിനി എല്ലാവിധ ആശംസകളും. ഈ പ്രായത്തിലും പഠിക്കാനുള്ള ധൈര്യവും ആഗ്രഹവുമുള്ള നിങ്ങളെ പോലുള്ള ആളുകൾ ഉള്ളത് കൊണ്ടാണ് അക്കാദമിക് മേഖല വളരുന്നത്.