കൊച്ചി: മഹീന്ദ്ര ആൻഡ് മഹീന്ദ്ര ലിമിറ്റഡിന്‍റെ ഉപവിഭാഗമായ മഹീന്ദ്ര ലാസ്റ്റ് മൈല്‍ മൊബിലിറ്റി ലിമിറ്റഡ് (എംഎല്‍എംഎംഎല്‍) 2024 സാമ്പത്തിക വര്‍ഷത്തില്‍ മികച്ച നേട്ടത്തോടെ ഇലക്‌ട്രിക് ത്രീവീലര്‍ വിപണിയിലെ മേധാവിത്വം തുടരുന്നു. ഇതുവരെ 1.4 ലക്ഷത്തില്‍ അധികം ഇലക്‌ട്രിക് വാഹനങ്ങള്‍ എംഎല്‍എംഎംഎല്‍ വിൽപ്പന നടത്തിയത്.
ഇന്ത്യയിലെ ഇലക്‌ട്രിക് ത്രീവീലര്‍ വിപണിയില്‍ എംഎല്‍എംഎംഎല്ലിന് നിലവില്‍ 9.3 ശതമാനം പങ്കാളിത്തമുണ്ട്. എല്‍5 ഇവി വിഭാഗത്തില്‍, 2024 സാമ്പത്തിക വര്‍ഷത്തില്‍ ഇതുവരെ 55.1 ശതമാനം പങ്കാളിത്തത്തോടെ മഹീന്ദ്ര ലാസ്റ്റ് മൈല്‍ മൊബിലിറ്റി ലിമിറ്റഡ് ആണ് മുന്നില്‍.
വെറും എട്ട് മാസത്തില്‍ 40,000 ഇവികള്‍ വിറ്റുകൊണ്ട് മികച്ച വളര്‍ച്ചയാണ് എംഎല്‍എംഎംഎല്‍ നേടിയത്. ട്രിയോ പ്ലസ്, ഇ-ആല്‍ഫ സൂപ്പര്‍ റിക്ഷയും കാര്‍ഗോ വേരിയന്‍റും എന്നിങ്ങനെ രണ്ട് പുതിയ ഉത്പന്നങ്ങള്‍ അവതരിപ്പിച്ചതാണ് ഈ കുതിപ്പിന് കാരണമായത്. എംഎല്‍എംഎംഎല്‍ വാഗ്ദാനം ചെയ്യുന്ന വൈവിധ്യമാര്‍ന്ന ത്രീ-വീലര്‍ ഇവികളില്‍ ട്രിയോ, ട്രിയോ പ്ലസ്, ട്രിയോ സോര്‍, ട്രിയോ യാരി, സോര്‍ ഗ്രാന്‍റ്, ഇ-ആല്‍ഫ സൂപ്പര്‍, ഇ-ആല്‍ഫ കാര്‍ഗോ എന്നിവ ഉള്‍പ്പെടുന്നു.
