തിരുവനന്തപുരം: 110 സിസി സെഗ്മെന്‍റില്‍ പുതിയ മോഡലായ "സൂം' പുറത്തിറക്കി ഹീറോ മോട്ടോകോര്പ്. ഈ വിഭാഗത്തിലാദ്യമായാണ് ഹീറോ ഇന്‍റലിജന്‍റ് കോര്ണറിങ് ലൈറ്റ് (എച്ച്ഐസിഎല്‍) അവതരിപ്പിക്കുന്നത്. അതോടൊപ്പം തന്നെ വലുതും വിശാലവുമായ ടയറുകളും, മികച്ച മൊബിലിറ്റി ഉറപ്പ് തരുന്ന സിപ്പി ആക്സിലറേഷനും പുതിയ സൂമിന്‍റെ പ്രത്യേകതകളാണ്.
രാത്രിയാത്രകളില്‍, വളവുകളിലും തിരുവുകളിലും ഹീറോയുടെ കോര്ണറിങ് ലൈറ്റുകള്‍ പ്രകാശം നല്‍കുകയും വ്യക്തമായ കാഴ്ച്ച ഉറപ്പുവരുത്തുകയും ചെയ്യുന്നു. കൂടാതെ, ഹീറോ മോട്ടോകോര്പ്പിന്റെ ഐത്രീ-എസ് സാങ്കേതിക വിദ്യയിലുള്ള (ഐഡില്‍ സ്റ്റോപ്പ്-സ്റ്റാര്‍ട്ട് സിസ്റ്റം) ബിഎസ്സി-ക്സ് എൻജിനും, ബ്ലൂടൂത്ത് കണക്റ്റിവിറ്റിയും സൈഡ്-സ്റ്റാന്‍ഡ് എൻജിന്‍ കട്ട്-ഓഫുമുള്ള പുതിയ ഡിജിറ്റല്‍ സ്പീഡോമീറ്ററുമായാണ് സൂം എത്തുന്നത്.
ഹീറോയുടെ സവിശേഷമായ "എക്സ് സെന്‍സ് ടെക്നോളജി' പ്രകടനത്തോടൊപ്പം തന്നെ മികച്ച ഇന്ധന ക്ഷമതയും ഉറപ്പുവരുത്തുന്നു. ഷീറ്റ് ഡ്രം, കാസ്റ്റ് ഡ്രം, കാസ്റ്റ് ഡിസ്ക് എന്നീ മൂന്ന് വിഭാഗങ്ങളിൽ അഞ്ച് സ്പോര്ട്ടി നിറങ്ങളില്‍ സ്കൂട്ടർ ലഭ്യമാണ്. ഷീറ്റ് ഡ്രം വേരിയന്‍റ് പോള് സ്റ്റാര്‍ ബ്ലൂ നിറത്തിലും, കാസ്റ്റ് ഡ്രം വേരിയന്‍റ് പോള്സ്റ്റാര് ബ്ലൂ, ബ്ലാക്ക്, പേള്‍ സില്‍വര്‍ വൈറ്റ് എന്നീ നിറങ്ങളില്‍ ലഭ്യമാണ്. കാസ്റ്റ് ഡിസ്ക് വേരിയന്‍റ് പോള്സ്റ്റാര് ബ്ലൂ, ബ്ലാക്ക്, സ്പോര്ട്സ് റെഡ്, മാറ്റ് അബ്രാക്സ് ഓറഞ്ച് എന്നീ നാല് നിറങ്ങളിലും ലഭ്യമാണ്.
