കൊച്ചി: മഹീന്ദ്ര ആന്ഡ് മഹീന്ദ്രയുടെ ഡിവിഷനായ മഹീന്ദ്ര ലാസ്റ്റ് മൈല് മൊബിലിറ്റി (എല്എംഎം) 2023ല് നമ്പര് 1 ഇലക്ട്രിക് ത്രീവീലര് നിർമാതാവ് സ്ഥാനത്തേക്ക്. ഈ കാലയളവില് മഹീന്ദ്ര ലാസ്റ്റ് മൈല് മൊബിലിറ്റി 36816 ഇലക്ട്രിക് വാഹനങ്ങള് വിറ്റഴിച്ച് 14.6% വിപണി വിഹിതം നേടി. ഇത് 2022 സാമ്പത്തിക വര്ഷത്തിലെ 17522 യൂണിറ്റുകളുടെ വില്പ്പനയില് നിന്നും 7.6% വിപണി വിഹിതത്തോടെ ഉയര്ന്നു.
ഇന്ത്യയിലുടനീളമുള്ള വ്യാപകമായ 1150 ടച്ച് പോയിന്റുകളും 10,000+ ചാര്ജിങ് സ്റ്റേഷനുകളും മഹീന്ദ്രയുടെ വിശ്വാസ്യതയും മഹീന്ദ്ര ലാസ്റ്റ് മൈല് മൊബിലിറ്റി ഒന്നാം സ്ഥാനത്തേക്ക് എത്തിക്കാനും സഹായിച്ചു. 2023ല് മഹീന്ദ്ര ലാസ്റ്റ് മൈല് മൊബിലിറ്റി പവര്-പാക്ക്ഡ് ത്രീവീലറായ സോര് ഗ്രാന്ഡ് ലോഞ്ച് ചെയ്തു, ഇത് ലോഞ്ച് ചെയ്ത് ഒരു വര്ഷത്തിനുള്ളില് 23000ത്തിലധികം ഓര്ഡറുകള് നേടാനും കഴിഞ്ഞു. സോര് ഗ്രാന്ഡിന് പുറമെ ഇലക്ട്രിക് പോര്ട്ട്ഫോളിയോയില് ട്രിയോ ശ്രേണിയിലുള്ള വാഹനങ്ങളും അല്ഫാ - മിനി & കാര്ഗോ എന്നിവയുമുള്പ്പെടുന്നു.
